الى حبيبتي الغاليه مع حبي الكبيرلها
وحك من عرج بامر الله ولاداب
ابجماله الروح مفتونه ولاداب
لابالطب شفت مثله ولااداب
ولاحتى الدرس بالجادريه
شتضن هم ثار كلبي الكم بلا ثار
وصفت ثاراتي اللي بحبك بلاثار
احركت كلبي يهالتدرس بالاثار
واحس نضرات عينك بابليه
صنعن ضيمي صفاتك وانتجنه
انتبله اعله المحبه وانتجنه
احس حبك جهنم وانت جنه
عجيبه اشلون ينجمعن سويه
مثل قديس اضل امشي وره مشاك
عسى بكلب اليبغضونك ورم شاك
عيونك سلبن عكلي ورمشاك
خناجر من تصد وشلون بيه
علي نضرتك بالشر لحسمنك
ومثل يوم بحياتي لحسمنك
لون مره تصحلي لحسه منك
سنه السكر يضل مرتفع بيه
كبل لاتنولد يومك وعيناك
مدير الدم اوضفنك وعيناك
خدودك كالشمس تضوي وعيناك
تميزت بالسحر والجاذبيه
قضيه اسمك على اسمك ماشخطنه
ازدحام احن اعله دربك ماشي خطنه
اشتضن من كد حلاتك ماشخطنه
اليشوفك ينشخط بالميه ميه
مع حبي الكبير لها ولكم
تحياتي
الحارث الشويلي
الجمعة أغسطس 08, 2008 1:38 pm