قصيدة لمسلسل نور

أجلبنك يليلي انوزع انذورة
اذا عدت بخير امسلسلت نورة

أجلبنك يليلي وهالشعب أدمن
على الأم بي سي فور وكلهه تتصفن
شنو القصة اسألتهم وزعو تمن
لا گالو مسلسل طالع النورة

اباوع ع المسلسل كلهه عريانه
من نورة الشريفه النانه والدانه
واعاين ع الخلگ نحلانه خدرانه
وتمش ابلا فكر صدگوني مسطورة

مسطورة سطر والحسره في صدري
ما اگدر أضمهه لن خلص صبري
الشباب تحب عرفنه شبيك يا فكري
هدى الدرب العشگ جابتك بسحورة

سر سرني صديقي وگلي لتبوحه
مهند مو حلو بس نورة مملوحه
اسكت گتله أني وعيني مجدوحه
عمت عينك دشوفه چنه بلورة

صور نوره ومهند ترسن الشارع
وعليهه الناس توگف والله وتباوع
وراح احچي اعله موقف بالفكر طابع
طلگ مرته واحد من ورة الصورة

حلو هذا المسلسل كلهه متفقين
بس اني اشوفن احله بيت الطين
بي ذبت اهلنه البلوفه رابين
وأ طباع العراقي الما نكر طورة

هههههههه عاشت ايدج ياميزو انتي اجدتي بوصف احداث هذا المسلسل
لا اعرف لماذا هذا الهول الاعلامي والجماهيري
انها مسلسله اقل مايقال عنها انها عاديه جدا
لكن لكل شخص حريته الشخصيه ولايجب التعدي عليها
شكرا على هذه المساهمه المميزه وننتضر المزيد وفقكي الله
تقبلي مروري
تحياتي
الحارث الشويلي