الى من كانوا اخوة للعراق

الى من كانو اخوه للعراق وفجأه تركوه وحيدا

عراق ورغم جرحك واكف امام
وصرت لهل الصبر كبه ومناره
وشلت حمل النبوه بهاي الايام
وحدك لاعلي وقله النصاره
اشوفنك محمد بين الاصنام
واشوفن ذبحتك مامنهه جاره
عراق وسدلي بيبان السفارات
دخيلك بيك الك دفتح سفاره
عراق ومن تعرج للسماوات
اخذ وياك دمعات الحياره
واخذ شيبه لحيتك ملحه الكاع
واسأل شيبتك مامنهه جاره
وترى الناس سكارى ياوطن بيك
وحك ضيمك ابد ماهم سكارى
هذوله الفكدو ابغدادك اولاد
وتعبهم سكر كثر الدواره
عراق الحزن هل عليك باكر
واكلك كر تكول اليوم باكر
وطن باسمك ندب جم صوت باكر
يصيح الثار اخذ عالصار بيه

عراق وكلبي وحيك والنجى شي
المذله شي يبويه والنجى شي
يثرب كلهه ضدك والنجاشي
مسح خطه ورجع للجاهليه

للشاعر الدكتور عدنان الركابي


اتمنى ان تعجبكم
تحياتي
الحارث الشويلي