زائر
زائر
 | موضوع: حزن العراق  الأحد أغسطس 10, 2008 3:00 pm | |
| حزن العراق
----------------------------
على جروحك ياوطن كاموا يركصون
لكن وحق نزفك مايظلون
لو كل العراق يصير تابوت
ولو شعبك على طولك يموتون
مادام النهر يزكي الاراضي البيك
مثل طبع الشجر باجر يخضرون
............................................
وهانت ياوطن والجايه تهون
تحزم بالسعف واوكف على طولك
عراق انته وعليك اكلوب هاي الناس
اذا يخلص عمرهه اعمار يفدولك
وحق دجله وفرات وكل خضار الكاع
يظل عالي الجبل مرفوع بسهولك
فداك امي وابوي وعمري يا مهيوب
وفداك اجيال يا بو اجيال ضحولك
اسرج مهرتك واعبر على الكلفات
وخل سور المنايا يهاب لخيولك
يل شايل جرح ينزف عليك اسنين
حتى الموته فزوا فرض صلولك
انصاف الرجال اليوم يتحدوك
وقبل اليوم الف حساب حسبولك
انزف ياوطن غرك تراب الكاع
عندك شعب نشغة موت غنولك
من جرح الجرح وادري الظلام يحوم
وعلى طولك شمس باجر يفصلولك
كالوا منحني من صار بيه الصار
شما طالوا ابد ماصاروا بطولك
ذوله الونعم ما قصروا وياك
شوفولك ذهب وتراب باعولك
............................................
اتكاتف ياشعب وتحمل الصعبات
وسلموه العراق بايد مامونه
واكبر ياوطن لورادوا يحصدوك
الكصب يكبر تره كلما يحصدونه
راس الامه انته وتظل نبراس
وجسد هل امه ابد ما ينفع بدونه
اور واريدو واسمع الوركاء
تظن بجفوف ربنه الوطن يبنونه |
|
الحارث
مشرف منتدى الشعر الشعبي
المساهمات : 71
تاريخ التسجيل : 20/07/2008
| | موضوع: رد وتعليق الثلاثاء أغسطس 12, 2008 6:35 am | |
| عاشت ايدج يالعيون الجميله على هاي الكلمات وان شالله العراق ينهض بجهودنه ويخسا كلمن يحاول يتطاول علينه وهاي ازمه وان شالله تعدي
تحياتي الج ولكل المشتركين
الحارث الشويلي | |
|
زائر
زائر
| | موضوع: رد: حزن العراق الثلاثاء أغسطس 12, 2008 12:18 pm | |
| وايدك الحارث تدلل
ومشكور على مرورك والله يسمع منك
تحياتي
عدل سابقا من قبل beautiful eyes في الثلاثاء أغسطس 12, 2008 1:43 pm عدل 1 مرات |
|
Admin
المدير العام
المساهمات : 234
تاريخ التسجيل : 10/07/2008
| | موضوع: رد: حزن العراق الثلاثاء أغسطس 12, 2008 1:27 pm | |
|
عدل سابقا من قبل Admin في الثلاثاء أغسطس 12, 2008 3:04 pm عدل 1 مرات | |
|
زائر
زائر
| | موضوع: رد: حزن العراق الثلاثاء أغسطس 12, 2008 1:46 pm | |
| مشكوووووووووووووور عيوني على مرورك اللطيف بالموضوع نورت
تحياتي
عدل سابقا من قبل beautiful eyes في الخميس أغسطس 14, 2008 12:42 pm عدل 1 مرات |
|
Admin
المدير العام
المساهمات : 234
تاريخ التسجيل : 10/07/2008
| | موضوع: رد: حزن العراق الثلاثاء أغسطس 12, 2008 3:06 pm | |
| | |
|
طبعا هذا شعر وياه اغنيه مال عبد فلك بس كلش روعه ان شاء الله اجيب هذا الشعر والاغنيه وانزله بموضوع وعاااااشت الايااااادي مره ثانيه 
وتقبلي مروري 
