(ادخل وشوف هاي القصه)

اليوم اريد اتحدث عن شي صار عندي اشتريت قصه انكليزيه مكتوب عليها تعلم للاطفال
مضمون القصه ( كان موجود انسان يعبد الله ويصلي ويعطف على الفقير ويساعد المحتاج مات هذا العبد الصالح صعد للسماء القصه واصف بيها السماء عباره عن اقسام دخل اول قسم شاف بيها ملائكه بس تشتغل وشايله سجلات . سأل شنو هذا القسم كالو هذا قسم الادعيه يعني الناس الي تندعي من الله سبحانه وتعالى ان يحقق مطاليبهم. دخل ثاني قسم نفس الشيء ملائكه تشتغل وسجلات , سأل شنو هذا القسم .كالو هذا قسم الولادات والوفيات . لحد ما وصل اخر قسم شاف بس ملك واحد وما عندا شغل .كال :ليش كل الاقسام يشتغلون بيه الملاكه وهذا القسم ماكو بيه شغل .كالو هذا الملك الصالح يسجل بس الناس الي تحمد الله سبحانه وتعالى والناس قليل تحمد الله سبحانه وتعالى . وبنهايه القصه مكتوب هل انت تحمد الله عز وجل) .

ياريت كل الناس تحمد الله ليديم جميع النعم علينا
تقبلو تحياتي