رثائيه محمد

احد الابطال من مدينتي الجميله من ذي قار من قضاء الرفاعي
وابن منطقتي الفقيره
كان احد ضباط وزاره الداخليه في القضاء
اغتيل على يد قذره لاتريد الخير للعراق
على يد عصابه خارجه عن القانون ومجرمه
فترك الحزن والالم والحسره على وجوه كل ابناء المدينه الشرفاء
تلك المدينه الحالمه على نهر الغراف الجميل
لانه كان بحق محمد ونعم المحمد
محبا لكل الخير يشارك المدينه بافراحها ومسراتها لليرى طفلا الاويداعبه بمرح الطفوله ولايرى شيخا الاومسح على راسه بحنان الابوه ولايرى شابا الاوتسامر معه بالكلام الجميل
مانقوله عن الشهيد محمد هو القليل
فله هذ الرثائيه

بچيت اعليك مودم لا دمع تيزاب
دمعاتي الوداعَك شَگِگـَت خــَــــدي
ولوج اعليك لوج الفگدتلها اثنين
من ذبني زماني ابلا رِفِج وَحـــدي
عليك احباب ناحت نوح ماموصوف
لكنها اشتنوح اشتبچي موگـــــــدي
ادري النوح مارد يوسف اليعقوب
وآنه انهي بمناحه و بالمناحه ابدي
وادري الموت لاينشره اولاينباع
او لو تنفده اسنينك بالعزيزه افدي
جَرِح بيه إلرحيلك ماتضمده أيام
يتكاطر نزيفه وعلته بجبدي
لـَصوم إعليك وأفطِر مِن يـِحِل الصوم
واخلافك حسبتي اجيب وتودي
ياروض المحبه اتهوف روحي اعليك
گبل روحك يريت ارويحتي اتعدي
عَي النوم گوطر ياسليم الذات
ياشِريان گلبي اوياجرح يـــــدي
الناس اتذب الاسود من يدور الحول
وانا اعليك صدگ للگبر حدي
وإذا سَيَر حِلِم صار الحِلِم جيثوم
وَبَد هيهات بَعدَك مَر حِلـِــم وَردي
يم جرف المصايب صرت انه الناعور
تترسني المصيبه و حسرتي تبَـــــدي
أگضي إلليل لهفه لشوفتك واشتاك
اعد نجم الليالي اوينكسر عدي
محمد خويه فكدك مثل حَد إلسيف
اوعمري ابغير طولك عمر مِترَدي
نِطـَرت إسنين شَمسَك تِظوي ليلي أيام
واخوك اعليك صَدگ ليله بس يحدي
دمك يامحمد وضه باب الحوش
وانت اوباب حوشك للوطن جندي
امحزم للعراق اوللرفاعي احزام
ماترخه اوتصيح اشماتشد شدي
روحك بالعراق وعلى العراق اطوف
اشماعزت تگلها اوي الوطن هدي
تضحك للزغير اوللچبير اتگوم
شفاف اومزاحك سامري اودي
هذا اتگله بويه اوذاك خويه اتگول
هذا تگله عمي اوذاك ياجدي
كلها اتهون عدك بس عراقك لا
باشط للعيل او واقعي اوجدي

اتمنى ان تعجبكم

تحياتي
الحارث الشويلي