اريد اعزف وغنيلك عتابه@
وعليك الكلب ما بطل عتابه@
احن لدار ما انسه عتابه@
وتضل ذكراه دوم تعن عليه
******************************
صديق الماوفالك ضل وفيله@
ولاتركب على حصانه وفيله@
صير انته علي خيمه وفيله@
تضل انته الوفي وذاتك وفيه
******************************
بثوب العوز اجيتك وانه داوي@
بلهيب النار اطفي وانه داوي@
جرح الوكت ينزف وانه داوي@
اداوي الجرح والعله خفيه
*******************************
اريد اهل الوفه احسبهم وعدهم@
واضل انتضر جيتهم وعدهم@
لان الكلب ضل يمهم وعدهم@
يضل يمهم لما يعودون اليه
*******************************
يدنيه بحبل عتيني وجري@
حيل بنار جويني وجري@
الوادم سمج مزتهه وجري@
وانه اللبلبي حسره عليه
*******************************
تانيتك تمر بس مره بينه@
هواي ايام مرن مره بينه@
مره تصير بيكم مره بينه@
ومره شصار لو نفرح سويه
******************************
بدمع عيني رويتك بستكاني@
ومن خدك الليلو بستكاني@
جنه ثنين هسه بستكاني@
رحت عني ولا رديت اليه
******************************
الأربعاء أغسطس 27, 2008 12:41 pm
