بالك لا تنزل قيمة الروح
لان معروف جنح الريح خداع
و اذا بيك السبب لتدور اعذار
و من تعثر تذب الصوج عالكاع
حاول تفتهمني العمر خلصان
و حاول لا تغير كل الاطباع
المبدأ لا تغيره الوكت مو زين
الموقف لاتظن ينشره وينباع
أنه الطلقت ليلى وتشهد الناس
و قسمت القوافي انصاف و ارباع
صرت خيمة شرف للعنده تاريخ
ونزلت العنب للما أله ذراع
خيال الثريه بكل الاوقات
ومن واهس خيالي الشعر ينذاع
عشت سنين عمري بصبر ايوب
العراقي الما تهزهز رغم الاوضاع
أنه اتكترت من شفت الصدك خوف
من شفت الظلم عالذمم ينباع
من شفت السفينه بلا قوانيين
و يخاف الهو ه من طول الشراع
أحلف بالقصيدة البقت تاريخ
بأم عويدل الملكاهه ما ضاع
عله حيطان بيتي اتطوف الاشعار
و يم الباب يوكف كل الابداع
للشاعر حيدر الكعبي
تحياتي
الحارث الشويلي
الأحد أغسطس 31, 2008 7:21 am
