احس مملكتي انته وقفلك الآه ............... والمفتاح جوه وآنه منكوب
نمت أباب قصرك كلش وياه ................... صار اخيالي جوة وفتح البوب
ومو حباً خيالي يفكلي الابواب ............... طلع ظلي يحب ظلك يمحبوب
واظن من حقه ظلي وحقي وياه ............. اذا نعشگ گمر مابين الدروب
يمشي اذيال ثوبه تحز بالجدام ............... ومن گد الترافه يجرَحه الثوب
وجاي تگلي بسك وانسه ماصار ............. ضفت هم لهمومي التارسة اليوم
عليه هموم كلفه تهد لجبال ................. وعليه جبال كلفه تهد لهموم
شربت الليل كله وخضرت آه ................. واليشرب الليل ايغص بلنجوم
وتگلي شبيك تبچي وجايني تلوم ........... بدون جروح تبچي عيون الغيوم
ماريدك حقد وتضيع الاشواگ ................ مثل الظل يضيع لون الهدوم
احرم روحي مني وابقه وياك ................ شعلت روحي وضويت بدربة قنديل
واخذ حصته الخلاّلّ وحصتي الفياي ......... خذت الفياي ابيعه وچلچل الليل
صعود الجبل ياخذ منك ايام .................. بس لمن تطيح بسرعة السيل
الفرح وياي شال الحاء بسكوت .............. فر مني وتركني ويه المواويل
مالوم العواذل انته تلام ....................... ابرهه الينلام محد عاتب الفيل
احس طيفك يجيني بهيئة غراب ............. ويخلي جناحه قوس وضفره نشاب
وسهم ظفرك يجيني ابين الظلوع ........... اجر ظفرك واشمة ايفوح عطاب
احس بالليل موت وروح يا لليل ............... خاف اعطش واشربك وادري تيزاب
افرحت من طاح بيدي الگمر بالليل .......... ومن صار الصبح شو بين تراب
اذبحهه بموس اهون حته ترتاح .............. ولا تربط الناگه گبالّ گصاب
اكسرت منجل غرامي الجاي حاصود ........ لان زرعك ذبل چا بعد شحصد
يصفيهه الرمش دمعتنه تعبان ............... ورغم ذلك ملح تنزل على الخد
تبين لي وكشفتك لابس الثوب .............. مو قصدك ستر لا خاف تبرد
لأن ابيض گلبت الدنيه مگلوب ................ ونسيت الكعبة قبله ولونهه اسود
تحيات الشاعر
يوسف حســــــــــــن
تحياتي
الحارث الشويلي
الأحد أغسطس 31, 2008 7:23 am
