(((( رحيل الأم ))))
مشطت الورق بالقلم نص الليــــل ,,, وكلت اكتب قصيدة أعلــه اليجي أبالــــي ,,,
اختاريت الوزن ومن القوافي أشكـال ,,, وضيعت القضيـــة ومــــاتت أمالــــي ,,,
شما أغير اسم يختنك صــوت الناي ,,, وعلى نفـــــس الاسم ينعــــاد موالــــي ,,,
سمع بيه الكمر راواني وجـه الموت ,,, ومثـل ضلي صبح بس هـوه يبرالــــي ,,,
كضني مـــن الجرح راداني اكولن أخ ,,, رسم تابوت لمي ونزلـــــه اكبالــــي ,,,
أمس نضحك سويه وجان جنه البيت ,,, أوره هـذا الضحك ماابجي حسبالــــي ,,,
شفت أمي الصبح من شالهه التابوت ,,, أجوز مـــن البواجي شلون ترضالــــي ,,,
بستان الورد لمتــه سلال المـــــوت ,,, بفضل جف المنيه المايـــــرد خالـــــي ,,,
اضن ماظل شــــبر بالكاع مامجــروح ,,, نحط بيــاكتر ضي جرحج الغالـــــي ,,,
كبر بيه الحزن وعيوني تبجي عيـــون ,,, وعلى بال الصبر ماطـولت بالـــــــي ,,,
لأن جوه الجرح سر النزيف شـــــراع ,,, وعلى كل السفن ماترهم احبالــــــي ,,,
يبــس وجـه النهر وانفطر كلب الطين ,,, وحر ضيم الشمس يسألني عن حالــي ,,,
,,, بلا مي ,,,,
شينطيك الشجر لو ظل ,, بلا مـــــي ,,
حقهه الناس ماتــــدري ,, بلا مـــــي ,,
أعــــيش شلون كلولي ,, بلا مـــــي ,,
يمه تروحلج فــــــــدوه ,, المنيــــــه ,,
انــــه الهم كتلني وماكت لـــــــيش ,,, لأن بيــــــــه جرح مايشكي همـــــــــــه ,,,
بورد أسكي الورد لو عطشه الليل ,,, وجنت وكت الصبح كل يـوم أشمــــــــــه ,,,
وهـسه بـلا ورد وبـلا بســـــــاتين ,,, أضم ويـــن الجرح لـوردت أضمــــــــــه ,,,
يمــــــه بـلا وداع شلون ترحــــين ,,, انــــــه بـدونج أشــوف الدنيا ظلمـــــــــه ,,,
عمت عــــين الوكت مالحكت بيج ,,, يمــــــــه الــــروح خلصـت بالمذمـــــــــه ,,,
منـو يــرد بغيابج وحشـــــة الـبيت ,,, ومنــو خلافــج ييمــــه يـــكلي يمــــــــــه ,,,
محمد العكيلي
يارب الصحه والعافيه لكل الامهات الغاليات
تحياتي
الحارث الشويلي
الجمعة سبتمبر 05, 2008 3:44 am