أوعدك يليلي انوزع انذوره
اذا عدت بخير مسلسلة نوره
أوعدك يليلي وهالشعب أدمن
على الأم بي سي فور وكلها تتصفن
شنو القصه اسألتهم وزعوا تمن
لا گالوا مسلسل طالع النوره
اباوع عــالمسلسل كلها عريانه
من نور لشريفه لبانا والدانا
واعاين عـــالخلگ نحلانه خدرانه
وتمش بلا فكر صدگوني مسطوره
مسطوره سطر والحسره في صدري
ما اگدر أضمها لان خلص صبري
الشباب تحب عرفنه شبيك يا فكري
هدى لدرب العشگ جابتك بسحوره
سر سرني صديقي وگالي لتبوحه
مهند مو حلو بس نوره مملوحه
اسكت گتله أني وعيني مجدوحه
عمت عينك دشوفه چنه بلوره
صور نور ومهند ترسن الشارع
وعليها الناس توگف والله وتباوع
وراح احچي على موقف بالفكر طابع
طلگ مرته واحد من وره الصوره
حلو هذا المسلسل كلها متفقين
بس اني اشوف احلى بيت الطين*
بي ذبت اهلنا الـــبل(وفا) رابين
وأطباع العراقي الما نكر طوره
اطباع العراقي الما نكر طوره
الأربعاء سبتمبر 10, 2008 3:34 am