دارميات متنوعه

وجهك بشارت عيد والاحله ملكاك
ريت العمر عمرين من يكضي وياك

*****


صح اليغيب هواي يتسمه مفقود
بس انته من تغيب بنص كلبي موجود

*****

فزكلبي تالي الليل كتله اسكت ونام
العذبو وهود ماضنهم اسلام

****

هاك اخذهاي الروح سويها عكاز

افديها هاي الروح للمثلك عزاز

****

مرني الحبيب بطيف طيف شحلاته

اه يالحبيب احاه عندي شغلاته

****

لاتظن يوم انساك يالتسوه كلشي

تسوه العدل والمات والتوه يمشي

****


نامت كلوب الناس بس كلبي كاعد

الضغط من فركاك كالساعه صاعد

****

تدري الزعل وياك شيسوي بيه؟

احس السمه والكاع تطبك عليه

****

اتمنه عندي جناح كلساعه امربيك

معذبتني هاي الروح بس تسأل عليك

****

نمطر محبه وشوك صدكوني الكم

مندز رساله بالليل لوما نحبكم

****

عاشرت هوايه ناس ماكو بحلاتك

هذا الحنان البيك اجمل صفاتك