اكبر مكتبه للدارميات 7

وين الكفن ينباع يالشايل الخـــــام
عدله أرد أطمها الروح من ظيم الأيـام
==========================
لم جرحك أو للبيت قوم امشي ويـاي
وامشي ابدلال أرجوك لاتشمت اعداي
==========================
اجلد ابممشاي ناحل ترانــــي
خوفي من الشمات مو من زماني
==========================
==========================
أتجدب علي واتقول , اسمع كلامك
وانا ابطيب القلب امشي ابمرامــك
==========================
عفيه كَلب مَيليــن من يسمـع إبجـاي
لو من صخر هم جـان لان وغده مـاي
==========================
مر والمراره البيك محد حواهـــا
أو روحي اشتهت ملقاك عفيه اشقواها
الرد
روحي اشتهت ملقاك رغم المراره
أو بجفوفك الدلال شيطفي نــاره
==========================
متعني للعبـاس أشكي الهظايـــم
الواشي قبلي بيـوم بالحظره نايـم
==========================
متعني للعباس أبجي إبحظرتـه
والينكسـر بهواه شنهو جبرتـه
==========================
قلنا دلال إيجوز وتحمليـــــنا
أو ماندري بيه مغرور يلعب علينا
الرد
ألعب عليك إشلون وانت أعز مني
أو صدقني مو مغرور يالتتهمـني
==========================
بطلت ممشى الحيل قمت أمشي تاته
أومثل اليقودن بيه أمه أو خـواتـه
==========================
لو ممشى عشر اسنين أمشيها واكثر
ماأتعب وما جوز من حب الأسمـر
==========================
حسبالي خوش وليد وسلمتك الروح
طلعت عقرب تلدغني وتريد اتروح
==========================
أبيات من الدارمي العراقي
دارمي معاصر لعواد العابدي
خاف أحجي ويكَولون سب الحكومه
كفاره يطّي النوب يرهن إهدومه
سولف يبعد إجلاي ويحلها حلال
إضبط إعصابك زين كون أنت رجال
ذب شصّك وبعدين تصفي القضيه
لو سجن سبع إسنين لو تطّي ديّه
مو شص وحكَ عيناك سلّيه ذبيت
خلي اليصير يصير خلي أهجم البيت
خابرت أمي إبساع يا يمه وينج
باجر نرد للبيت خل تكّر عينج
من غبشه كَبل الناس راحت على السوكَ
جابت حضن صمون عود إنّه ريّوكَ
شعلت بخور النوب وتبخر الدار
عام ونص إمتانين والقوري بالنار
أيست والأيام طالن عليها
وردت مثل ما جان تصفج بأديها
فرحتنه بالتغيير طلعت حلم نوم
مثل السراب وراح ما يبكَه للدوم
كَلنه الفرج والخير والحظ إجانه
مثل الي راد إكَرون كَصوا له إذانه
كَالوا بعد سنتين ونوزع إبيوت
تاليها حتى المات ما عنده تابوت
كيّفنه كَلنه نصير مثل الإمارات
ماي وضوه وتبليط مو بس قرارات
حجّتهم إستقرار مامش بالبلاد
تانونه عشر إسنين ونضوي بغداد
ننتظر عشر إسنين نحمي إعلى جوله
نتعارك إعلى إبريج ما عدنه لوله
جا ولكم شتردون غير المسيرات
يتنفس الجوعان حي بعده ما مات
رحمه العلم سواه مجلسنه لونين
إقماشه من باريس وفلوسه بالدين
إمبارك وعالخير هاي العداله
صبح ومسه إيغنون عالبرتقاله
إلنوبه خاف التين من يسمع إيغار
وبساحة الفردوس يحتج على الصار
خل يحتج الرمان خل يحتج التين
مليوصه هيه وشاخ بالديره الكَطين
نومتنه هاي إهنا للجمري يهواي
لمن يرد إردود ويغرب الماي
هذني دارميات سؤال وجواب
الأصل
ارجع يبعـــــد الــــروح يا بعــــــد العيون
تــــــــدري ابغيابك صــــار دلالي مجنون
الجواب
انه ادري مـــــن فركاي دلالك انصــــاب
واعرف شحيحه افراح عل فــاكد احباب
الأصل
ليش اليحب يا صاح يحسب بالنجوم
ولطلعت الميزان ميشوف ابـــد نوم
الجواب
هذا اليحب يا صاح مو بيده يسهر
من يـــذكر المحبوب نومه ايتبخر
الأصل
جرح الغرب يا صاح شيطيبه كلي
تايهه صرت بناس وانــــي الأدلي
الجواب
جرحك يطيب اليوم لو يمك اهلك
ترجع تدلـــــي ابليل كلمن يسألك
الأصل
فر الوكت يا صاح بيه انكلب حيل
وانه الأسابك ريح ومسمه الكحيل
الجواب
الوكت لــــــو فر بيك لطخ أبد راس
ضل اعله طبعك دوم دايس متنداس
******
ياخويه والعباس ما خنتك اني
البشر خان اوياي هوه وزماني
******
بيدك مكص وقماش يا خويه فصل
مابيه بعد افــــــراك فركتك تكتل
*****
عندك ترافه اوطيب من تكتب انته
لن انته من احساس شاعر كتبته
شباب بنات شرفوني بردودكم تحيات الى اعضاء اصدقاء العراق الكرام