شعر خنفشاري طاك كلش .....هع...!!

اليوم جبتلكم قصيدة مو طبيعية

لا تنسون اريد ردودكم العاجلة


يلة اسمعو .......

بس مدري هيه مكرره ولالا


طالب وعايف دروسي واقرة اشعار وجرايد

وعاشك بنية بقسمنة والكلب بس الهة رايد

هي حلوة هوايه واني عمي شلون واحد

بالفرن ناسيني اهلي وحتى لون عيوني جارد

حاولت الفت نظرها بكل وسيلة وماكو فايد

غيرت لبسي ومشيتي وفكري بالمودات شارد

جللت شعري وصبغته ولبست حتى كلايد

كعدتني على الحديدة لا والله بعت حتى الحدايد

لا اكلك ولا تكلي بهذلتني الله شاهد

وين جانتلي يا ربي مو جنت متونس وكاعد

مرة اكول احجي معاها ومرة اكول خليني راشد

قررت لازم ابوح بحبي الها وما احايد

بوري ما بوري اسولف قابل مصارح مجاهد

جيت واتقربت منها جسمي يرجف وحيلي بايد

والضغط عندي تخربط مرة نازل مرة صاعد

كمت اعتعت كمت امتمت كمت احس بلساني جامد

جني سيارة عتيكة وانكسر من عدها كايد

ردت افلت حتى اخلص كالت تفضل شرايد

كلت عفوآ من رخصتج بلكي عندج قلم زايد


تحياتي الكم